माती, पंख आणि आकाश

माती, पंख आणि आकाश हे ज्ञानेश्वर मुळे यांच्या प्रेरणादायी जीवनप्रवासाचे चित्रण करणारे पुस्तक आहे. कोल्हापूर जिल्ह्यातील शिरोळ तालुक्यातील लाट या गावातून सुरू झालेला त्यांचा प्रवास केंद्रीय लोकसेवा आयोगाच्या स्पर्धा परीक्षेतील यश आणि भारतीय विदेश सेवेतील महत्त्वपूर्ण कार्यापर्यंत पोहोचतो.

संतपरंपरेतील विचार, महात्मा फुले, राजर्षी शाहू महाराज आणि डॉ. बाबासाहेब आंबेडकर यांच्या सामाजिक परिवर्तनाच्या विचारांनी प्रेरित होऊन त्यांनी जिद्द, परिश्रम आणि स्वसामर्थ्याच्या बळावर आपले ध्येय साध्य केले. देशसेवा करताना मानवता, पर्यावरण आणि सामाजिक जाणीव जपणाऱ्या त्यांच्या व्यक्तिमत्त्वाचे विविध पैलू या पुस्तकातून समोर येतात. स्वप्ने पाहणाऱ्या, संघर्षांवर मात करू इच्छिणाऱ्या आणि देशसेवेची आकांक्षा बाळगणाऱ्या प्रत्येकासाठी हे पुस्तक प्रेरणादायी आहे.