या पुस्तकातील कथांमधून माणसामाणसांतील भेदभाव, सामाजिक पूर्वग्रह आणि श्रेष्ठ-कनिष्ठतेची भावना यांवर विचार मांडला आहे. प्रत्येक समाजसमूहाच्या संस्कृतीत आणि जीवनमूल्यांत काही वैशिष्ट्ये असतात; त्यांचा आदर करून एकमेकांकडून शिकणे आवश्यक आहे, हा विचार पुस्तकातून पुढे येतो. द्वेषाऐवजी प्रेम, समानता आणि माणुसकीची मूल्ये पुढील पिढीपर्यंत पोहोचवण्याचा संदेश या लेखनातून मिळतो.