काळजुगारी

काली स्वतःला आरशात पाहतो, तेव्हा त्याला कपाळाच्या मध्यभागी जोकर गोंदलेला दिसतो. मरण्यापूर्वी त्याच्या वडिलांनी गोंदलेली ही खूण जणू त्याच्या नशिबाची दिशा ठरवते. अनेक वर्षांनंतर होणाऱ्या काळजुगारी स्पर्धेपर्यंत त्याला घेऊन जाणारा हा मार्ग कालीच्या आयुष्यात नवे वळण आणतो.
जगाची व्यवस्था बदलण्याची संधी कालीला मिळणार का? या स्पर्धेत त्याचे नशीब उजळणार की त्याच्या वडिलांप्रमाणेच त्याच्या पदरी निराशा पडणार? या प्रश्नांमधून कादंबरीची उत्कंठा वाढत जाते. रूपकात्मक मांडणी आणि नशिबाविषयीचे प्रश्न यांमुळे ‘काळजुगारी’ ही मराठी साहित्यातील रूपककथांच्या दालनात महत्त्वाची भर घालणारी लघुकादंबरी ठरते.