भारतीय राज्यघटना

भारतीय राज्यघटना ही विसाव्या शतकातील भारताच्या सामाजिक, राजकीय आणि वैचारिक परिवर्तनातील एक महत्त्वाची घटना आहे. भारतीय स्वातंत्र्य चळवळीतील संघर्ष आणि विचारप्रवाहांतून तिची निर्मिती झाली. काही घटनात्मक तरतुदींवर पाश्चात्त्य विचारांचा प्रभाव असला, तरी भारतीय समाजातील रूढीवादाला आव्हान देऊन आधुनिक, समताधिष्ठित समाजाची दिशा दाखवणारी तिची मूल्यव्यवस्था हा या पुस्तकाचा केंद्रबिंदू आहे.

डॉ. प्रकाश पवार यांनी संपादित केलेला हा ग्रंथ राज्यघटनेच्या आत्म्याचा आणि तिच्यामागील प्रेरणांचा वेध घेतो. सरनामा, मूलभूत हक्क, राज्याच्या मार्गदर्शक तत्त्वे आणि मूलभूत रचना सिद्धांत या महत्त्वाच्या घटकांच्या आधारे राज्यघटना नागरिकांना कोणती मूल्ये देते आणि समाजपरिवर्तनासाठी कशी प्रेरणा देते, हे समजावून सांगितले आहे.