मनसमझावन

चिन्मय, त्याचे आई-वडील, मैत्रीण, सामाजिक कार्यकर्ते तसेच ट्विटर, व्हॉट्सअॅप, ‘लोकमत’ आणि कारसेवेसाठी गेलेली एक वीट अशा विविध कथनकर्त्यांच्या माध्यमातून कथानक पुढे सरकते. रहस्यकथेच्या ओघात कादंबरी गुंतागुंतीच्या सामाजिक आणि धार्मिक परिस्थितीचे विश्लेषण करते. धार्मिक कट्टरतेच्या वाढत्या प्रभावात समाज कोणती उदारमतवादी आणि सहिष्णू मूल्ये गमावत आहे, याचा विचार ती मांडते. हिंदू-मुस्लिम अस्मितांच्या पलीकडे जाऊन सामायिक सांस्कृतिक वारसा आणि भारतीयत्वाचा अर्थ शोधणारी ही कादंबरी सहजीवनासाठी पारंपरिक लोकधर्मासोबत आधुनिक मूल्यांची गरजही अधोरेखित करते.