पालकशाळा

पालकत्व म्हणजे केवळ मुलांचे संगोपन करणे किंवा त्यांच्या शिक्षणाची व्यवस्था करणे नव्हे, तर त्यांना भविष्यातील आव्हानांना सामोरे जाण्यासाठी सक्षम बनवणे होय. पालकशाळा या पुस्तकात पालकत्वाच्या विविध पैलूंचा सविस्तर विचार केला आहे.

मानसोपचारतज्ज्ञ, डॉक्टर, समुपदेशक आणि शिक्षण क्षेत्रातील अभ्यासकांच्या मार्गदर्शनातून मुलांच्या वाढीच्या वेगवेगळ्या टप्प्यांवरील अडचणी, शारीरिक व मानसिक बदल, बुद्धिमत्ता विकास आणि करिअरविषयक निर्णय यांसारख्या महत्त्वाच्या विषयांवर प्रकाश टाकला आहे.

मुलांच्या अंगभूत क्षमता ओळखणे, त्यांच्या गरजा समजून घेणे, दैनंदिन समस्यांवर योग्य उपाय शोधणे आणि त्यांच्याशी समजूतदारपणे संवाद साधणे यासाठी हे पुस्तक पालकांना मदत करते.

पालकत्वाबद्दल आपली समज अधिक व्यापक करून मुलांच्या सर्वांगीण विकासासाठी योग्य मार्गदर्शन करू इच्छिणाऱ्या पालकांसाठी आणि शिक्षकांसाठी हे पुस्तक उपयुक्त आहे.