सहवास गुणीजनांचा

मधू गानू यांचे लेखन सरळ, साधे, नितळ आणि अंतःप्रेरणेतून साकारलेले आहे. त्यांच्या लेखांमध्ये लेखकाचे कौशल्य किंवा शब्दांचा बडेजाव आड न येता, लेखनाचा विषय असलेल्या व्यक्ती आणि वाचक यांच्यात सहज नाते निर्माण होते. त्यांच्या पंचाहत्तरीनिमित्त प्रकाशित झालेला हा लेखसंग्रह विविध व्यक्तींचे अनुभव आणि वैशिष्ट्ये आत्मीयतेने वाचकांसमोर मांडतो. विजय तेंडुलकर यांनी गौरवलेल्या या लेखनातील उत्स्फूर्तता आणि निरपेक्षता हे त्याचे विशेष आकर्षण आहे.