राखेतून उगवतीकडे

किशोरवयापासून वैमानिक होण्याचे स्वप्न उराशी बाळगून त्यासाठी शारीरिक, शैक्षणिक आणि मानसिक तयारी करणाऱ्या एका व्यक्तीच्या संघर्षमय जीवनप्रवासाची ही कहाणी आहे. अपार मेहनत, निष्ठा आणि कर्तव्यबुद्धीच्या बळावर स्वप्न साकार होत असतानाच एका क्षणात आयुष्याला अनपेक्षित वळण मिळते. आकाशात भरारी घेणारा वैमानिक कायमचा व्हीलचेअरवर अवलंबून राहतो आणि स्वप्नभंगासोबतच शारीरिक व मानसिक यातनांचा सामना करतो. मात्र, दुर्दम्य इच्छाशक्ती, सोशिकता आणि परिस्थितीचा समंजस स्वीकार यांच्या बळावर तो नव्याने जगण्याचा मार्ग शोधतो. संकटांवर मात करून जीवनाकडे सकारात्मकतेने पाहण्याची प्रेरणा देणारे हे पुस्तक मानवी जिद्दीचे आणि आत्मबळाचे प्रभावी दर्शन घडवते.