चंद्रकांत कुलकर्णी सादर करीत आहे

नाटक ही केवळ शब्दांची किंवा अभिनयाची कला नसून अनेक कलात्मक घटकांच्या एकत्रित आविष्कारातून साकार होणारी समृद्ध अभिव्यक्ती आहे. कवीचे मोजके शब्द, नाटककाराची मितभाषिता, अभिनेत्याचा अभिनय, ध्वनी आणि प्रकाशयोजना, रंगमंचावरील रंग-रेषांचा वापर आणि प्रेक्षकांचा एकाग्र नाट्यानुभव या सर्वांचा सुंदर मेळ नाटकात साधला जातो. या विविध घटकांना एकत्र आणून नाटकातील प्रत्येक क्षण अर्थपूर्ण आणि प्रभावी बनवण्याची जबाबदारी दिग्दर्शकाची असते. दिग्दर्शनकलेचे स्वरूप, तिची आव्हाने आणि नाट्यनिर्मितीतील तिचे महत्त्व यांचा वेध घेणारे हे पुस्तक रंगभूमीच्या अभ्यासकांना, नाट्यकर्मींना आणि नाट्यप्रेमींना उपयुक्त ठरते.