देवगंधर्व (हिंदी)

गायनाचार्य भास्करबुवा बखले यांनी आपल्या संगीतकलेने आणि कठोर साधनेने संपूर्ण भारतात ख्याती मिळवली. मास्टर कृष्णराव आणि बालगंधर्व यांसारखे प्रतिभावान शिष्य घडवून त्यांनी आदर्श गुरू म्हणून लौकिक संपादन केला. मराठी नाट्यसंगीताला नवसंजीवनी देऊन त्यांनी त्यात महत्त्वपूर्ण परिवर्तन घडवले. शील, सद्भाव, त्याग आणि अध्यात्मनिष्ठा यांनी त्यांचे व्यक्तिमत्त्व समृद्ध झाले होते. ‘देवगंधर्व’ या जीवनगाथेत त्यांच्या संगीतप्रतिभेचा, कार्याचा आणि व्यक्तिमत्त्वाचा वेध रसपूर्ण शैलीत घेतला आहे.