परमवीर-गाथा

भारताच्या सर्वोच्च लष्करी सन्मानाने गौरवलेल्या २१ परमवीर चक्र विजेत्यांच्या शौर्यगाथा या पुस्तकात मांडल्या आहेत. दुर्गम पर्वतीय प्रदेशांतील लढाया, प्रतिकूल हवामानातील संघर्ष आणि प्राणांची बाजी लावून साधलेले विजय यांचे प्रभावी चित्रण यात आढळते. या वीरांचे सहकारी, वरिष्ठ अधिकारी आणि कुटुंबीय यांच्याशी साधलेल्या थेट संवादांतून त्यांच्या पराक्रमामागील धैर्य, कर्तव्यनिष्ठा आणि देशसेवेची भावना समोर येते. त्यांच्या शौर्यकथांबरोबरच लष्कराची कार्यपद्धती आणि युद्धातील रणनीती समजून घेण्यासाठी हे पुस्तक उपयुक्त ठरते.