अंतरिक्षाच्या अंतरंगात

खगोलशास्त्राची आवड असणाऱ्या प्रत्येकाला गणित आणि भौतिकशास्त्राचे सखोल ज्ञान असणे आवश्यकच असते असे नाही. अंतराळाविषयी केवळ जिज्ञासा असणाऱ्या वाचकांसाठी लीना दमले यांचे हे पुस्तक एक सुंदर ज्ञानसफर घडवते. आपल्या सूर्यमालेतील ग्रहांची ओळख करून देतानाच सूर्यमालेपलीकडील ग्रह आणि विश्वातील विविध खगोलीय घटकांची माहिती लेखिका सहजसुंदर शैलीत मांडतात. दुर्बिणींचे प्रकार, त्यातून दिसणारे विश्व, गुरुत्वीय भिंगे आणि विश्वाच्या स्थिर स्थितीचा सिद्धांत व बिग बँग यांसारख्या संकल्पनांचाही यात समावेश आहे. अंतराळातील गुंतागुंतीचे विषय रंजक आणि सोप्या पद्धतीने समजून घेण्यासाठी हे पुस्तक उपयुक्त ठरते.