आतले डोळे

एखाद्या व्यक्तीचा हात तिच्या इच्छेविरुद्ध वागू लागणे, वस्तू दिसत असूनही त्यांना ओळखता न येणे, दृष्टीच्या क्षेत्रातील काही भाग दिसेनासा होणे किंवा प्रत्यक्षात कोणी नसताना आवाज ऐकू येणे असे अनुभव आश्चर्यकारक वाटू शकतात. मात्र, अशा अनुभवांमागे मेंदूच्या कार्यातील बदल किंवा काही वैद्यकीय स्थिती कारणीभूत असू शकतात.

‘आतले डोळे’ या पुस्तकातून डॉ. रुपेश पाटकर यांनी अशा अनाकलनीय वाटणाऱ्या लक्षणांचा संवेदनशील आणि वैद्यकीय दृष्टिकोनातून विचार केला आहे. मानवी मेंदू कसा कार्य करतो, त्याच्या कार्यपद्धतीत बदल झाल्यास व्यक्तीच्या आकलनावर, संवेदनांवर आणि वर्तनावर कसा परिणाम होऊ शकतो, याची ओळख या पुस्तकातून होते.