डोईचा पदर आला खांद्यावरी…

सत्तरीच्या दशकातील एका तरुणीच्या आयुष्याभोवती गुंफलेली ही भावस्पर्शी कथा आहे. ओढाळ तरुण वयात मोहाच्या एका धूसर क्षणी तिच्याकडून अनवधानाने एक चूक घडते आणि त्या एका घटनेमुळे तिच्या आयुष्याला अनपेक्षित वळण मिळते. तिच्या स्वप्नांचा, आकांक्षांचा आणि इच्छांचा मार्ग बदलून जातो.

स्वतःच्या मनातील वेदना आणि भावनांचा पाणपडदा डोळ्यांआड लपवत ती आयुष्य जगत राहते. मनातील अस्वस्थता, अंतरीचा पीळ आणि परिस्थितीशी सुरू असलेला संघर्ष यांत ती सतत होरपळत असते. स्वतःच्या दुःखाशी झुंज देत, आयुष्याने उभ्या केलेल्या प्रश्नांना सामोरी जाणाऱ्या या तरुणीचा भावनिक प्रवास वाचकाला अंतर्मुख करतो.