काहूर एका वादळाचे

वर्तमान राजकारणातील वास्तवाचे निर्भीडपणे विश्लेषण करणारी ही कादंबरी स्वातंत्र्योत्तर काळापासून आजपर्यंतच्या राजकीय प्रवासावर प्रकाश टाकते. स्वातंत्र्यानंतरच्या राजकारणात अनेक स्वप्ने आणि अपेक्षा होत्या; मात्र आजच्या राजकीय वातावरणात जातीय आणि धार्मिक तेढ निर्माण करणाऱ्या प्रवृत्ती अधिक तीव्र होत असल्याचे चित्र यात मांडले आहे.

समाजातील विविध घटकांमध्ये संघर्ष निर्माण होणे, सामाजिक सलोखा बिघडणे आणि देशाच्या एकात्मतेला तडे जाण्याची शक्यता या गंभीर प्रश्नांचा कादंबरी वेध घेते. त्याचबरोबर अभिव्यक्तिस्वातंत्र्य आणि मतस्वातंत्र्य नाकारले जाण्याच्या प्रवृत्तींकडेही लक्ष वेधते. लोकशाही मूल्ये, सामाजिक एकोपा आणि देशाच्या भवितव्याविषयी विचार करायला प्रवृत्त करणारी ही कादंबरी समकालीन राजकारणाचे अस्वस्थ करणारे वास्तव वाचकांसमोर उभे करते.