सुसाट जॉर्ज

जॉर्ज फर्नांडिस हे भारतीय राजकारणातील एक वादळी आणि बहुरंगी व्यक्तिमत्त्व होते. कामगारांच्या हक्कांसाठी रस्त्यावर उतरून संघर्ष करणारे, उद्योगपतींना आपल्या आंदोलनाची दखल घ्यायला लावणारे आणि प्रस्थापित राजकीय नेत्यांना पराभूत करून जायंट किलर ठरलेले जॉर्ज यांनी भारतीय राजकारणात आपली वेगळी ओळख निर्माण केली. मुंबई बंद करण्याची ताकद असलेले आणि रेल्वे संपाच्या माध्यमातून देशव्यापी आंदोलन उभे करणारे ते प्रभावी कामगार नेते होते. राजकारणातील चढ-उतारांचा सामना करत त्यांनी मंत्रीपदाच्या जबाबदाऱ्या पार पाडल्या आणि संसदेत सत्ताधारी व विरोधक अशा दोन्ही भूमिका समर्थपणे निभावल्या. संघर्ष, नेतृत्व, राजकीय कौशल्य आणि निर्भीड विचार यांचा संगम असलेल्या जॉर्ज फर्नांडिस यांच्या व्यक्तिमत्त्वाचा आणि कार्याचा परिचय करून देणारे हे पुस्तक आहे.