असा घडला भारत

१५ ऑगस्ट १९४७ रोजी भारत स्वतंत्र झाल्यानंतर देशाने केलेल्या वाटचालीचा विविधांगी इतिहास या ग्रंथातून उलगडतो. स्वातंत्र्योत्तर काळातील राजकीय आणि सामाजिक बदल, आर्थिक व औद्योगिक विकास, विज्ञानातील प्रगती आणि आंतरराष्ट्रीय घडामोडींचे भारतावर झालेले परिणाम यांचे यात विवेचन केले आहे. चित्रकला, नाटक, चित्रपट आणि क्रीडाविश्वातील बदलांसोबतच जनजीवनावर परिणाम करणाऱ्या नैसर्गिक आपत्ती व मोठ्या दुर्घटनांचाही मागोवा घेतला आहे. गतकाळातील घटनांकडे शक्य तितक्या तटस्थपणे पाहण्याचा प्रयत्न करणारा हा ग्रंथ जुन्या पिढीला इतिहासाचे नव्याने आकलन करून देतो, तर नव्या पिढीला आधुनिक भारताची जडणघडण समजून घेण्यास मदत करतो.