पुरातन भारतीय खाद्यसंस्कृती

भारतीय खाद्यसंस्कृतीचा समृद्ध वारसा आणि विविध पदार्थांच्या निर्मितीमागील विज्ञान समजून घेण्यासाठी हे पुस्तक मार्गदर्शक ठरते. विज्ञानलेखिका डॉ. वर्षा जोशी यांनी ‘नलपाकदर्पण’ आणि सतराव्या शतकातील ‘भोजनकुतूहल’ या ग्रंथांतील आहारविषयक माहितीच्या आधारे पारंपरिक पाककृती आणि खाद्यपरंपरांचा वेध घेतला आहे. भाज्या, फळे, दूध, धान्ये, मसाले, सूप-आमटीचे प्रकार आणि मांसाहारी पदार्थ यांसह विविध खाद्यपदार्थांची माहिती यात दिली आहे. ऋतूनुसार आहार, पदार्थ बनवण्याच्या पद्धती आणि त्यांच्या गुणधर्मांमागील वैज्ञानिक निकष समजावून सांगणारे हे पुस्तक खाद्यसंस्कृती, पाककला आणि विज्ञान यांत रस असणाऱ्या वाचकांसाठी माहितीपूर्ण आहे.