चंद्रमाधवीचे प्रदेश

१९७७ साली प्रथम प्रकाशित झालेल्या या संग्रहाने ग्रेस यांच्या काव्यविश्वाला आणि मराठीतील शुद्ध कवितेच्या अभिव्यक्तीला व्यापक परिमाण दिले. या कविता वाचकाला काव्यानंद देतानाच जीवनातील अपरिहार्य प्रश्नांवर विचार करण्यास प्रवृत्त करतात. संगीताच्या निकट जाणारी तरलता आणि अनुभवांशी प्रामाणिक राहणारी नितळ अभिव्यक्ती हे या कवितांचे महत्त्वाचे वैशिष्ट्य आहे. ग्रेस यांचे निकटचे स्नेही चित्रकार सुभाष अवचट यांनी साकारलेली रेखाचित्रे आणि मुखपृष्ठ हेही या संग्रहाचे अविभाज्य अंग आहेत.