इत्यादी, इत्यादी कविता

आधुनिक मराठी रंगभूमीवरील महत्त्वाचे राजकीय नाटककार म्हणून ओळखले जाणारे गोविंद पुरुषोत्तम देशपांडे यांचा हा कवितासंग्रह त्यांच्या विस्तृत अनुभवविश्वाची आणि संवेदनशील काव्यदृष्टीची ओळख करून देतो. १९६० ते २००० या कालखंडातील विविध अनुभव, यशापयश आणि सामाजिक-राजकीय संदर्भ या कवितांमध्ये प्रतिबिंबित झाले आहेत. गंभीर राजकीय आणि सामाजिक विषयांवर लेखन करणाऱ्या गो. पुं. यांच्या कवितांमध्ये प्रेमभावना आणि वैचारिक जाणीव यांचा अनोखा संगम दिसतो. पक्के राजकीय-सामाजिक भान असलेली प्रेमकविता किंवा प्रीतीची खोल जाणीव असलेली राजकीय कविता, अशा दोन्ही दृष्टिकोनांतून या संग्रहातील कवितांचा आस्वाद घेता येतो.