आई माझी आहे

‘आई माझी आहे’ ही बी. डी. खेर यांची मानवी स्वभाव, वासना आणि नातेसंबंधांतील गुंतागुंत मांडणारी कादंबरी आहे. श्रीमंतीत वाढलेल्या सदानंदाला नैतिकता, सामाजिक बंधने आणि नात्यांचे महत्त्व नसते. अशातच हवापालटासाठी एका हॉटेलमध्ये आलेली सुंदर स्त्री आणि तिचा बारा वर्षांचा मुलगा त्याच्या आयुष्यात येतात. मुलाच्या प्रकृतीत सुधारणा व्हावी, या अपेक्षेने आलेल्या त्या आईच्या आयुष्यात अनपेक्षित घटना घडू लागतात. सदानंदाची वासना, स्त्रीची असहायता आणि आई-मुलाच्या नात्यात निर्माण होणारी गुंतागुंत यांचा वेध घेत कथानक उत्कंठावर्धक वळणांनी पुढे सरकते.