गाभुळगाभा

कुटुंब आणि समाजव्यवस्थेच्या जडणघडणीत स्त्रियांचे योगदान महत्त्वाचे राहिले आहे. कष्ट, त्याग, सोशिकता आणि वात्सल्य यांच्या माध्यमातून त्यांनी अनेक नैतिक व सांस्कृतिक मूल्ये जपली. मात्र, पुरुषी वर्चस्वामुळे स्त्रियांना दुय्यम स्थान मिळाले आणि त्यांना विविध प्रकारच्या शोषणाला व अन्यायाला सामोरे जावे लागले. या संग्रहातील कथा अशाच स्त्रियांच्या गुंतागुंतीच्या भावविश्वाचा वेध घेतात. प्रतिकूल परिस्थितीतही जीवनाविषयीची ओढ आणि इतरांप्रती असलेला कनवाळूपणा हे त्यांच्या जगण्यातील महत्त्वाचे पैलू म्हणून समोर येतात.