जावईबापूंच्या गोष्टी

या कथेत जावईबापू दिसायला देखणे असले, तरी व्यवहारज्ञानाच्या बाबतीत काहीसे कमी पडतात. अनेक दिवसांच्या प्रतीक्षेनंतर त्यांचे लग्न होते आणि दिवाळीच्या सणासाठी त्यांना सासुरवाडीहून आमंत्रण येते. सासरी जाताना जावयाने आपला मान राखून वागावे, असा सल्ला त्यांचे वडील त्यांना देतात. या सल्ल्याचा अर्थ जावईबापू आपल्या परीने लावतात आणि स्वतःची हुशारी दाखवण्याचा प्रयत्न करतात. त्यातून घडणाऱ्या धमाल घटना लेखकाने विनोदी शैलीत रंगवल्या आहेत.