कॉर्पोरेटकल्लोळ

काम म्हणजे नेमके काय, कामाचे तास किती असावेत आणि यांत्रिकीकरणामुळे कामातील आनंद कमी झाला असेल, तर तो पुन्हा कसा मिळवता येईल, असे महत्त्वाचे प्रश्न ‘कॉर्पोरेटकल्लोळ’ या पुस्तकातून उपस्थित केले आहेत. नीलांबरी जोशी कॉर्पोरेट जगतातील विविध घडामोडी, व्यवस्थापनाच्या संकल्पना आणि कामाच्या बदलत्या पद्धती यांचा वेध घेत वाचकांना आधुनिक उद्योगविश्वाची ओळख करून देतात.

पुस्तकात एच. आर. व्यवस्थापन, पीटर ड्रकर यांचे योगदान, व्यवस्थापन व प्रशिक्षण, कर्मचाऱ्यांचे मूल्यमापन आणि टाटा समूहाचे सामाजिक कार्य अशा विषयांचा समावेश आहे. टोयोटाचे नॉलेज मॅनेजमेंट, कॅनन प्रिंटरच्या डिझाइनमागील कल्पना, फेसबुकचा कर्मचारी निवडप्रक्रियेतील वापर आणि स्टीव्ह जॉब्स यांच्या मुलाखती यांसारख्या उदाहरणांतून उद्योगविश्वातील नावीन्य आणि कल्पकतेचे महत्त्व समजते.