महाराष्ट्रातील धबधबे

आजच्या संगणकीय युगात माणूस निसर्गापासून दूर जात असला, तरी निसर्गाचा शोध घेणारी कलावंताची वृत्ती त्याला वेगळी ओळख देते. रमेश देसाई यांनी संयम, निरीक्षण आणि निसर्गाशी तादात्म्य साधून धबधब्यांचे भव्य सौंदर्य आपल्या छायाचित्रांत टिपले आहे. कोकण, पश्चिम महाराष्ट्र, विदर्भ, मराठवाडा आणि खानदेशातील अनेक अज्ञात पावसाळी सौंदर्यस्थळे त्यांनी जगासमोर आणली आहेत. निसर्गाचा आनंद घेताना त्याचे सौंदर्य जपावे आणि त्याचे विद्रूपीकरण टाळावे, असा संदेशही या छायाचित्रणातून दिला आहे.