माय नेम इज सल्मा

सल्माचे बालपण लेव्हांटमधील एका छोट्या गावात जाते. निसर्गाच्या सान्निध्यात वाढणाऱ्या या तरुणीचे आयुष्य प्रेमसंबंध आणि विवाहापूर्वीच्या गर्भधारणेमुळे अचानक बदलते. तिच्या कुटुंबासाठी ही घटना प्रतिष्ठेचा प्रश्न बनते आणि तिच्या भावाकडून तिच्या जीवाला धोका निर्माण होतो. स्वतःचे संरक्षण करण्यासाठी सल्माला तुरुंगाचा आश्रय घ्यावा लागतो. तिथे ती एका मुलीला जन्म देते; मात्र तिच्या किंकाळ्यांदरम्यान नवजात बाळ तिच्यापासून दूर नेले जाते.
पुढे सल्मा इंग्लंडमधील एक्सेटर शहरात पोहोचते. तिथे ती नवीन भाषा, संस्कृती आणि जीवनपद्धतीशी जुळवून घेण्याचा प्रयत्न करते. एका इंग्लिश पुरुषाशी विवाह करून ती स्थिर आयुष्य उभारते आणि तिला मुलगाही होतो. तरीही भूतकाळातील वेदना आणि आपल्या मुलीपासून झालेली ताटातूट तिच्या मनातून जात नाही. सुरक्षित आयुष्य मिळाल्यानंतरही मातृत्वाची ओढ आणि मुलीच्या भविष्याविषयीची चिंता तिला सतत अस्वस्थ करत राहते.