न सांगण्याजोगी गोष्ट

१९६२ च्या भारत-चीन युद्धातील पराभव हा भारतीय इतिहासातील महत्त्वाचा आणि वेदनादायी अध्याय आहे. या पुस्तकात सुभेदार जोगिंदरसिंग आणि मेजर शैतानसिंग यांसारख्या शूर सैनिकांच्या हौतात्म्याच्या कथा सांगतानाच पराभवामागील राजकीय आणि लष्करी चुका स्पष्ट केल्या आहेत. अपुरी शस्त्रसामग्री, रसदेचा अभाव, गुप्तचर यंत्रणेचे चुकीचे अंदाज आणि लष्करी अधिकाऱ्यांमधील मतभेद यांचा सविस्तर आढावा यात घेतला आहे. हेंडरसन-ब्रूक्स समितीच्या गोपनीय अहवालातील निष्कर्ष समोर आणणारे हे पुस्तक त्या युद्धाचे वास्तव समजून घेण्यास मदत करते.