न्यूड पेंटिंग @ 19

रोडमास्टर बाईकवरून मुंबईच्या रस्त्यांवर सुसाट फिरणारा अगस्ती तपासासाठी सज्ज झाला की, कुठेतरी एखादे गूढ उलगडणार याची चाहूल लागते. तंत्रज्ञानाची जाण असलेला, सौंदर्याचा भोक्ता, खवय्या आणि साहसी वृत्तीचा अगस्ती आपल्या तल्लख बुद्धिमत्तेने आणि माणसांच्या मनाचा ठाव घेण्याच्या कौशल्याने गुंतागुंतीच्या प्रकरणांचा छडा लावतो.
मुंबईत निकिता शर्मा या तरुणीच्या खुनापासून सुरू झालेला तपास अगस्तीला हिमाचल प्रदेशात घेऊन जातो. तिथे मिळालेल्या धाग्यांमुळे तो गडचिरोलीतील सिरोंचा गावात पोहोचतो. वेगवेगळ्या ठिकाणांतील घटनांचा परस्पर संबंध शोधताना अखेरीस एका प्रसिद्ध चित्रकाराने पूर्वी चितारलेल्या न्यूड पेंटिंगचे रहस्य समोर येते. अनपेक्षित वळणे, गूढ धागेदोरे आणि अगस्तीची तपासपद्धती यांमुळे ही कथा वाचकाला शेवटपर्यंत गुंतवून ठेवते.