प्राक सिनेमा

अरुण खोपकर यांनी ‘प्राक्-सिनेमा’ या पुस्तकातून चित्रपटाच्या विकासामागील विविध कला, विज्ञान आणि सांस्कृतिक परंपरांचा अभ्यासपूर्ण आढावा घेतला आहे. गुहाचित्रे, शिल्पकला, वास्तुकला, धार्मिक विधी, नृत्य, संगीत, साहित्य आणि चित्रकला यांचा सिनेमाशी असलेला संबंध त्यांनी सोप्या भाषेत स्पष्ट केला आहे. अजिंठा-घारापुरीची लेणी, भारतीय मंदिरे, युरोपातील चर्च, तसेच लेओनार्दो, मातिस आणि पिकासो यांसारख्या कलावंतांच्या कलाकृतींचाही यात संदर्भ आहे. लेखकाच्या चित्रपटनिर्मितीच्या अनुभवातून आणि सखोल चिंतनातून सिनेमामागील कलाविश्व समजून घेण्याची संधी वाचकांना मिळते.