रेड लाईट डायरीज… गौहर

समाजापासून दूर ठेवलेल्या स्त्रियांच्या जगाचे आणि त्यांच्या वास्तव जीवनाचे प्रामाणिक दर्शन या पुस्तकातून घडते. यातील बहुतांश कथा वेदना, शोषण आणि दुःखाने भरलेल्या आहेत. त्या वाचताना मन हेलावून जाते आणि या स्त्रियांच्या जगण्यातील हतबलता जाणवते. मात्र, या अंधारातही काही कथा आशेचा प्रकाश दाखवतात. ‘गौहर’ म्हणजे मोती; त्याचप्रमाणे या कथांमधील स्त्रिया आणि माणसेही स्वतःचे वेगळेपण, तेज आणि उजळपण जपणारी आहेत. त्यांच्या आयुष्याची ही संवेदनशील ओळख वाचकांपर्यंत पोहोचवण्याचा प्रामाणिक प्रयत्न या पुस्तकातून केला आहे.