साहित्य: अभिजात आणि लोकप्रिय

डॉ. गंधे यांचा ‘साहित्य : अभिजात आणि लोकप्रिय’ हा ग्रंथ म्हणजे विविध समीक्षास्वरांची रंगलेली एक सुंदर बैठक आहे. साहित्यसमीक्षेची आवड असणाऱ्या वाचकाला ज्ञानसमृद्ध करणारा आणि त्याच वेळी समीक्षेच्या आगळ्यावेगळ्या वाटांमुळे आनंद देणारा हा ग्रंथ आहे. डॉ. गंधे यांची समीक्षालेखनाची पद्धत काहीशी अपारंपरिक आहे. त्यांना विविध समीक्षाविषय सुचतात; मात्र त्या विषयांची मांडणी ते सखोल विचार करून आणि स्वतःच्या चिंतनातून विकसित करतात. या स्वतंत्र दृष्टिकोनामुळे ग्रंथाला वेगळेपण प्राप्त झाले आहे. अभिजात आणि लोकप्रिय साहित्याकडे पाहण्याची दृष्टी समृद्ध करणारे हे लेखन साहित्यविषयक विचारांना नवी दिशा देते. साहित्यसमीक्षेचा अभ्यास करणाऱ्या तसेच या क्षेत्रात नव्याने प्रवेश करणाऱ्या वाचकांनी मनःपूर्वक वाचावा, असा हा अभ्यासपूर्ण ग्रंथ आहे.