समांतर रंगभूमी

रंगभूमीचा इतिहास समजून घेतल्याने तिची दिशा स्पष्ट होते आणि पुढील वाटचालीला मार्गदर्शन मिळते. या पुस्तकात साठोत्तर प्रायोगिक व समांतर मराठी रंगभूमीचे प्रत्यक्ष साक्षीदार आणि सहभागी असलेले माधव वझे यांनी तिचा सखोल अभ्यास मांडला आहे. एकोणिसाव्या-विसाव्या शतकातील युरोप, अमेरिका आणि रशियातील रंगभूमीच्या संदर्भांचा त्यांनी वेध घेतला आहे. या जागतिक संदर्भांच्या आधारे विसाव्या-एकविसाव्या शतकातील मराठी रंगभूमीचा प्रवास समजून घेण्याची संधी वाचकांना मिळते.