सावळ्या चाहुलीचा झिम्मा

‘सावळ्या चाहुलीचा झिम्मा’ या पुस्तकात निसर्गाच्या अनुभवातून चैतन्य, भक्तिभाव आणि मानवी जाणीव यांचा शोध घेतला आहे. ‘जीव कर्ता, भोक्ता व ज्ञाता असतो’ या विचाराच्या संदर्भातून ज्ञानेश्वरांनी मांडलेल्या चैतन्याच्या अनुभूतीकडे लेखक वाचकाला घेऊन जातात. ‘खारीचा वाटा’ आणि ‘चांदण्याचा रस्ता’ या ललित गद्यलेखनांशी निसर्गभानाच्या दृष्टीने या पुस्तकाचा संबंध जोडला आहे. ज्येष्ठ समीक्षक चंद्रशेखर जहागीरदार यांनी अधोरेखित केलेल्या गतकालीन जीवनाविषयीच्या ओढीचा संदर्भही या लेखनात महत्त्वाचा आहे. चित्रकार श्रीधर अंभोरे यांची रेखाचित्रे निसर्ग आणि दर्शन यांना दृश्यरूप देतात. ‘आपुला ठावो न सांडिता, आलिंगिये चंद्र प्रकटता’ या ओळींचा भावार्थ या चित्रांमुळे अधिक प्रभावीपणे व्यक्त होतो.