सीतायन

‘सीतायन – वेदना-विद्रोहाचे रसायन’ या पुस्तकातून डॉ. तारा भवाळकर यांनी सीतेच्या पारंपरिक प्रतिमेचा वेगळ्या दृष्टिकोनातून अभ्यास केला आहे. सोशिकतेचे प्रतीक मानल्या गेलेल्या सीतेच्या व्यक्तिमत्त्वातील वेदना, स्वाभिमान आणि विद्रोहाचे पैलू लेखिकेने उलगडले आहेत. मराठी, हिंदी, कन्नड, बंगाली, बौद्ध जातककथा आणि आदिवासी लोकपरंपरांतील रामायणकथांचा मागोवा घेत सीतेविषयी लोकमानसात असलेल्या भावनांचे दर्शन घडवले आहे. अभिजन परंपरा आणि लोकपरंपरा यांच्यातील संवाद आणि संघर्ष यांचाही यात विचार केला आहे. स्त्रीवादी दृष्टिकोनातून सीतेचे व्यक्तिमत्त्व आणि भारतीय लोकसंस्कृती समजून घेऊ इच्छिणाऱ्या वाचकांसाठी हे पुस्तक महत्त्वपूर्ण आहे.