विश्वस्त

पुण्यातील एका कॉफीशॉपमध्ये नियमितपणे जमणारा, ऐतिहासिक रहस्यांचा मागोवा घेणारा जेएफके हा कलंदर ग्रुप आपल्या वेगळ्याच शोधमोहिमांसाठी ओळखला जातो. एका गडावर भटकंती करत असताना त्यांच्या हाती एक अकल्पित खूण लागते आणि तिथून सुरू होतो रहस्यांनी भरलेला थरारक प्रवास.

या प्रवासात ग्रुपला प्राचीन आणि मध्ययुगीन इतिहासातील संदर्भांचा शोध घ्यावा लागतो. त्याचबरोबर वर्तमानातील राजकीय घडामोडी, सामाजिक वास्तव आणि आंतरराष्ट्रीय घटनांचे पडसादही या शोधात उमटतात. इतिहासातील अज्ञात दुवे आणि आजच्या जगातील गुंतागुंतीच्या परिस्थिती यांची सांगड घालत कथा अनपेक्षित वळणं घेत पुढे सरकते.

कल्पित आणि वास्तव, इतिहास आणि वर्तमान, रहस्य आणि थरार यांचा संगम साधणारी ही कादंबरी वाचकाला अखेरपर्यंत खिळवून ठेवणाऱ्या रोमांचक अनुभवाची सुरुवात करते.