छोट्यांसाठी चुंबक, विद्युत, ध्वनीचे प्रयोग

लहान मुलांना विज्ञानाची गोडी लागावी आणि विविध वैज्ञानिक संकल्पना सहज समजाव्यात, या उद्देशाने डी. एस. इटोककर यांनी हे पुस्तक लिहिले आहे. चुंबकत्व, विद्युत आणि ध्वनी यांचे गुणधर्म सोप्या व मनोरंजक प्रयोगांच्या माध्यमातून समजावून सांगितले आहेत. पुस्तकातील प्रत्येक प्रयोगाला चित्रांची जोड दिल्यामुळे मुलांना तो सहज समजून घेता येतो. प्रयोगांसाठी लागणारे साहित्य सहज उपलब्ध असल्याने घरच्या घरीही हे प्रयोग करता येतात. प्रयोग करताना वैज्ञानिक माहिती, उपकरणांची जोडणी आणि प्रत्यक्ष अनुभवातून आत्मविश्वास मिळवण्याची संधी मुलांना मिळते. खेळातून विज्ञान शिकण्याचा आनंद देणारे हे पुस्तक बालवाचकांसाठी एक उत्तम मार्गदर्शक आहे.