सहस्रधारा

‘आनंद’ मासिकाचे संपादक, आकाशवाणीवरील बालोद्यान कार्यक्रमातील ‘नाना’ आणि ख्यातनाम बालसाहित्यिक अशा विविध भूमिकांतून गोपीनाथ तळवलकर मुलांमध्ये रमले. ‘सहस्रधारा’ या आत्मचरित्रात त्यांनी आपल्या आठवणी सहज आणि शांत शैलीत मांडल्या आहेत. लेखनात आत्मगौरव, आत्मसमर्थन किंवा अहंकाराला स्थान नाही. त्यांच्या ऋजु व्यक्तिमत्त्वाप्रमाणेच या आठवणी सौम्य आणि शीतल प्रवाहासारख्या वाटतात.