डॉ. आई तेंडुलकर

‘चित्रकार गोपाळ देऊसकर : कलावंत आणि माणूस’ हे पुस्तक गोपाळ देऊसकर यांच्या चित्रकलेचा, कलात्मक प्रतिभेचा आणि व्यक्तिमत्त्वाचा मागोवा घेते. बालपणीच त्यांच्यातील चित्रकलेचे गुण प्रकट झाले आणि पुढे त्यांच्या कलेचा उत्तरोत्तर विकास होत गेला. आपल्या प्रतिभेच्या बळावर त्यांनी इंग्लंडमधील रॉयल अॅकॅडमीत शिक्षण घेतले आणि भारतीय संस्थानिकांच्या राजवाड्यांमध्येही आपल्या कलेचा ठसा उमटवला. पुण्यातील टिळक स्मारक मंदिरात साकारलेले लोकमान्य टिळकांचे जीवनदर्शन आणि बालगंधर्व रंगमंदिरातील बालगंधर्वांचे चित्र ही त्यांच्या कुंचल्यातून निर्माण झालेली उल्लेखनीय कलाकृती आहेत. त्यांच्या कॅनव्हासवर विविध व्यक्तिमत्त्वे आणि वैभवशाली जीवनाचे रंग जिवंत होतात. चित्रनिर्मितीमागील कलादृष्टी, कौशल्य आणि त्यांच्या व्यक्तिमत्त्वाचे विविध पैलू उलगडणारे हे पुस्तक एका श्रेष्ठ चित्रकाराच्या जीवनकार्याची ओळख करून देते.