आरोही

आपल्या संसारवेलीवर उमललेले पहिले फूल आयुष्यभर पूर्णपणे फुलू शकणार नाही, हे समजल्यानंतर सुरू झालेला एका पालकांचा संघर्षमय प्रवास म्हणजे हे पुस्तक. विशेष मुलीच्या संगोपनातील आव्हाने, अनिश्चितता, चिंता, आशा-निराशेचे क्षण आणि रोज नव्याने उभे राहणारे प्रश्न यांचा यात प्रामाणिकपणे वेध घेतला आहे. या प्रवासात आलेल्या अडचणींनी थकवले, अनेकदा गोंधळात टाकले; पण त्याचबरोबर परिस्थितीचा स्वीकार करायला आणि धैर्याने झुंज द्यायला शिकवले. पालकांचे प्रेम, जिद्द, संयम आणि भावनिक बळ यांची जाणीव करून देणारे हे पुस्तक वाचकांच्या मनाला स्पर्श करते.