बहुगुणी मसाले

भारतीय खाद्यसंस्कृतीचा अविभाज्य भाग असलेल्या मसाल्यांविषयीची अभ्यासपूर्ण आणि उपयुक्त माहिती या पुस्तकातून मिळते. डॉ. वर्षा जोशी यांनी विविध मसाल्यांचे रासायनिक गुणधर्म, त्यांचे आरोग्याशी संबंधित फायदे आणि स्वयंपाकातील वापर यांचे सोप्या व रंजक पद्धतीने विवेचन केले आहे. भारतीय पाककृतींमध्ये रूढ झालेल्या परदेशी हर्ब्सचीही ओळख यात करून दिली आहे. मसाल्यांचा वापर केवळ चव वाढवण्यासाठी न करता त्यांच्याविषयी शास्त्रीय माहिती समजून घेण्याची दृष्टी देणारे हे पुस्तक पाककलेत आणि विज्ञानात रस असणाऱ्या वाचकांसाठी उपयुक्त आहे.