गणकचक्रचूडामणि भास्कर (मराठी)

भारतीय खगोलशास्त्राचा पाया आर्यभटाने रचला, तर त्याच्या विकासात भास्कराचार्यांनी मोलाची भर घातली. सुमारे आठशे वर्षांपूर्वी होऊन गेलेले हे महान गणितज्ञ आजही आपल्या विद्वत्तेमुळे अजरामर आहेत. त्यांचा ‘लीलावती’ हा ग्रंथ गणितातील त्यांच्या विलक्षण प्रतिभेची आणि कल्पकतेची साक्ष देतो. कुशाग्र बुद्धिमत्ता, गणिती ज्ञान, सखोल पांडित्य आणि काव्यप्रतिभा यांचा सुरेख संगम त्यांच्या व्यक्तिमत्त्वात आढळतो. गणितातील गुंतागुंतीच्या संकल्पना समजावून सांगण्याची त्यांची हातोटी आणि ज्ञानाविषयीची निष्ठा यांमुळे भारतीय गणितपरंपरेत त्यांचे स्थान अढळ झाले. सह्यगिरीच्या परिसराशी जोडलेल्या या विद्वानाच्या जीवनकार्याचा परिचय करून देणारे हे पुस्तक भारतीय विज्ञान आणि ज्ञानपरंपरेचा गौरवशाली वारसा उलगडते.