हमरस्ता नाकारताना

आयुष्यातील नेहमीची, पिढ्यान्‌पिढ्या चालत आलेली वाट सोडून वेगळ्या मार्गाने जाण्याचा निर्णय नेहमीच जाणीवपूर्वक घेतला जातो असे नाही. स्वतःच्या अनुभवांची आणि विचारांची साक्ष देत पुढे जाताना कधी परंपरेची वाट मागे पडते, तर कधी अनपेक्षित वळणांनी भरलेला नवा प्रवास सुरू होतो. हा मार्ग संघर्षमय असला, तरी त्यावर सुखावणारे क्षण आणि आशेची हिरवाईही भेटत राहते. आयुष्याचा बराच प्रवास केल्यानंतर मागे वळून पाहताना भूतकाळातील आठवणी, अनुभव आणि घटनांकडे नव्या दृष्टिकोनातून पाहण्याची गरज जाणवते. भूतकाळ विसरण्याचा किंवा त्याला नाकारण्याचा प्रयत्न करण्याऐवजी त्याच्याशी मैत्री करून स्वतःला अधिक चांगल्या प्रकारे समजून घेण्याचा विचार या लेखनातून मांडला आहे. स्वतःचा शोध, जीवनातील निवडी आणि भूतकाळाशी जुळवून घेण्याची प्रक्रिया यांचा वेध घेणारे हे पुस्तक आहे.