तुमचे-आमचे सुपरहिरो – अरविंद गुप्ता

अरविंद गुप्ता यांनी कानपूर आयआयटीमधून अभियांत्रिकीचे शिक्षण घेतले; मात्र उत्तम नोकरी आणि आर्थिक सुबत्तेच्या मार्गाऐवजी त्यांनी समाजासाठी काम करण्याचा निर्णय घेतला. गरिबी आणि बेरोजगारी यांसारख्या प्रश्नांविषयी संवेदनशीलता बाळगून त्यांनी वंचित मुलांच्या शिक्षणासाठी आणि विकासासाठी आपले योगदान दिले.

कामगारांच्या मुलांसाठी आणि ग्रामीण भागातील मुलांसाठी शैक्षणिक उपक्रम राबवताना त्यांनी विज्ञान शिकवण्याची सोपी, रंजक आणि कृतीशील पद्धत विकसित केली. टाकाऊ वस्तूंपासून कमी खर्चात वैज्ञानिक खेळणी तयार करून मुलांना प्रयोगांतून विज्ञान समजावून सांगण्याचे त्यांचे कार्य विशेष उल्लेखनीय आहे. त्यांनी मुलांसाठी पुस्तके लिहिली आणि अनेक पुस्तकांचे अनुवादही केले.