चंद्रशेखर – जसं जगलो तसं

चंद्रशेखर हे एक सच्चे समाजवादी नेते होते. इंग्रजी वृत्तपत्रांनी त्यांना ‘रग्ड’ म्हणजेच रांगडे असे विशेषण दिले होते; मात्र त्यांच्या रांगड्या व्यक्तिमत्त्वामागे सुसंस्कृत मन आणि आधुनिक विचारांची बैठक होती. तरुणपणी कविता करणारे आणि काही काळ पीएसपीच्या पत्रिकेचे संपादन करणारे चंद्रशेखर ग्रामीण भागातून आले, तरीही त्यांची विचारसरणी संकुचित नव्हती. ग्रामीण जीवनाशी घट्ट नाते राखत त्यांनी आपली स्वतंत्र ओळख आणि वैचारिक प्रगल्भता जपली. त्यांच्या व्यक्तिमत्त्वातील या विविध पैलूंचा आणि समाजवादी विचारविश्वाचा वेध घेणारे हे चिंतनशील लेखन आहे.