दीपस्तंभ

संघर्ष, स्पर्धा आणि दैनंदिन ताणतणावांनी भरलेल्या जगात स्वतःचे स्थान कसे निर्माण करावे, आयुष्यातील अडचणींना धैर्याने कसे सामोरे जावे आणि जीवन आनंदी व अर्थपूर्ण कसे बनवावे, असे अनेक प्रश्न विद्यार्थी आणि युवकांना पडत असतात. भारताचे माजी राष्ट्रपती डॉ. ए. पी. जे. अब्दुल कलाम यांच्याकडेही तरुणांकडून असे प्रश्न सातत्याने विचारले जात. या प्रश्नांना उत्तर देण्याचा प्रयत्न करणारे हे पुस्तक जीवनाकडे पाहण्याचा आध्यात्मिक दृष्टिकोन मांडते. सकारात्मक विचार, आत्मपरीक्षण, मनःशांती आणि जीवनातील मूल्यांचे महत्त्व समजावून सांगत ते वाचकांना स्वतःच्या आयुष्याचा अर्थ शोधण्यास मदत करते. बाह्य परिस्थितीतील संघर्षांबरोबरच मनातील संभ्रम आणि तणाव यांवर मात करण्यासाठी योग्य विचारसरणी कशी विकसित करावी, याची दिशा या पुस्तकातून मिळते. जीवन अधिक आनंदी, संतुलित आणि उद्देशपूर्ण बनवू इच्छिणाऱ्या विद्यार्थी, युवक आणि सर्व वयोगटांतील वाचकांसाठी हे पुस्तक मार्गदर्शक ठरते.