संघ समजून घेताना

राष्ट्रीय स्वयंसेवक संघाचा दीर्घ प्रवास, भारतीय राजकारणातील त्याचे वाढते महत्त्व आणि त्याच्या विचारधारेचा सामाजिक व सांस्कृतिक जीवनावर होणारा प्रभाव यांचा वेध या पुस्तकातून घेतला आहे. गेल्या दशकभरात दत्तप्रसाद दाभोळकर यांनी लिहिलेल्या निवडक लेखांचे हे संकलन आहे. संघाची वैचारिक भूमिका, राजकीय कार्यपद्धती आणि त्याच्या प्रभावाची कारणे यांचा चिकित्सक विचार करताना लेखकाने पुरोगामी व परिवर्तनवादी चळवळींच्या भूमिकेचेही परीक्षण केले आहे. समकालीन राजकारणातील धार्मिक, सामाजिक आणि सांस्कृतिक प्रवाह समजून घेण्यासाठी विविध प्रश्नांचा मागोवा या लेखांमधून घेतला आहे. भारतीय राजकारणाचे विश्लेषण करू इच्छिणाऱ्या वाचकांसह सामाजिक कार्यकर्ते, अभ्यासक आणि राजकीय घडामोडींमध्ये रस असणाऱ्यांसाठी हे पुस्तक विचारप्रवर्तक ठरते.