स्वर सत्कार

हिंदुस्थानी आणि कर्नाटकी या दोन्ही अभिजात संगीतशैलींमध्ये प्रावीण्य मिळवणाऱ्या डॉ. श्यामला जी. भावे यांच्या संगीतसाधनेचा आणि कलात्मक कर्तृत्वाचा परिचय करून देणारे हे पुस्तक आहे. पं. विष्णू दिगंबर पलुस्कर, त्यांचे वडील आचार्य गोविंदराव भावे आणि आई लक्ष्मीबाई यांच्याकडून लाभलेला संगीतपरंपरेचा वारसा त्यांनी समर्थपणे पुढे नेला. आपल्या प्रतिभेच्या आणि अथक साधनेच्या बळावर त्यांनी भारतीय शास्त्रीय संगीताच्या दोन्ही शैलींमध्ये स्वतंत्र स्थान निर्माण केले. गायनाबरोबरच वादन आणि नृत्य अशा विविध कलाक्षेत्रांतही त्यांनी आपल्या कलेचा ठसा उमटवला. दोन समृद्ध संगीतपरंपरांचा अभ्यास, साधना आणि सर्जनशीलतेतून सुंदर मेळ घालणाऱ्या या उभयगानविदुषीचा जीवनप्रवास संगीतप्रेमींना भारतीय अभिजात संगीताच्या वैविध्याची आणि समृद्धीची ओळख करून देतो.